Үндэсний брэнд ₮ картыг Хонконгийн төлбөр тооцоонд ашиглах боломж бүрдлээ

Үндэсний брэнд ₮ картыг Хонконгийн төлбөр тооцоонд ашиглах боломж бүрдлээ 2025-03-31 17:08 | Мэдээ Монголбанк нь 2010 оноос үндэсний брэнд ₮ картыг бий болгох санаачилгыг гаргаж, банкнуудтай хамтран 2012 онд ₮ картыг амжилттай нэвтрүүлсэн билээ. Монголбанк Мастеркарт байгууллагатай M/Чип технологийн лицензийн гэрээг 2019 онд байгуулснаас хойш 2 жилийн хугацаанд хамтран ажилласнаар үндэсний брэнд ₮ картыг нууцлал, аюулгүй байдлыг өндөр түвшинд хангасан EMV чип болон NFC зайнаас унших технологид шилжүүлсэн. Ингэснээр, чиптэй ₮ картад суурилсан QR кодоор гүйлгээ хийх, ₮ картын мэдээллийг токенжуулах (tokenization) зэрэг олон үйлчилгээний суурь тавигдсан юм.