ТӨРИЙН ДЭЭД ОДОН МЕДАЛЬ ГАРДУУЛЛАА

Сүрээр дарагч хэмээх "ГАЛ МОРИН" жилийн босгон дээр Булган аймгийн Орхон сумын харъяат ахмад настан Мажигийн Магсар, гэргий Жигжидийн Даваасүрэн нарыг төрийн дээд шагнал болох "Алтан гадас" одонгоор шагналаа. Олон жилийн хөдөлмөр зүтгэл, эх орныхоо хөгжил цэцэглэлтэд оруулсан бодит хувь нэмрийг нь өндрөөр үнэлж, ийнхүү гэр бүлийн хоёр эрхмийг төр засгаас хүндэтгэн шагнасан байна. Төрийн эрхэм дээд шагналаар шагнагдсан ахмад буурлууддаа халуун баяр хүргэж, эрүүл энх, аз жаргал, сайн сайхан бүхнийг хүсэн ерөөе.